Қоғамда жеке даму туралы көп айтылады. Адам біреудің әлеуметтік желідегі өмірін қайталағаннан дамымайды, адамды дамытатын - оқу мен еңбек.
Газет оқу - оқушының да, мұғалімнің көңіл көкжиегін кеңейтеді деп түсінетін Сырым аудандық білім беру бөлімінің басшысы Әкежан Жамбылов Жымпиты ауылындағы 10 үйді “Сырым елі” қоғамдық - саяси газетіне жаздырды. Ол үйлерде жаны әдебиетке, жазу ісіне құмар балалар тұрады.
- Мектептерде қызмет жасайтын әріптестеріміз, соның ішінде педагогтар қауымы аудандық газетке тұрақты жазылады. Себебі, “Сырым елі” - Жымпиты өңірінің үні. Ол газет қана емес, ауданымыздың рухани шамшырағы, - дейді бөлім басшысы.
Бауыржан Ширмединұлы,
Сырым ауданы
