Сырым ауданы, Алғабас ауылдық округінде ветеринарлық пункт халық игілігіне ұсынылды.
Құрылысы аяқталған ветеринарлық нысанның салтанатты лентасы қиылып, сала мамандарына тапсырылды.
Аталған пункттің ашылу рәсіміне Батыс Қазақстан облысы әкімінің орынбасары Қалияр Айтмұхамбетов, облыстық ветеринария басқармасының басшысы Абзал Бралиев, Сырым ауданының әкімі Жұмагелді Батырниязов қатысты.
Тұрғындар ауыл ішіне құны 1904000 теңгені құрайтын ғимаратты салып берген мердігер Тимур Ткенбаевқа алғысын жеткізді.
“Алғабас ауылы өзенмен егіннің, аудан орталығымен қаланың ортасында жол бойында орналасқан құтты мекен. Ауыл тұрғындарымен сала мамандарына ұсынылған жаңа ғимарат игілікке жарасын” - деп, тілек білдірді БҚО әкімінің орынбасары.
Қоңдыкер Елеуов,
Сырым ауданы
