Сырым ауданының әкімі Төлеген Төреғалиев аудандағы мекемелер мен бөлім басшыларына жаңа аудан әкімінің орынбасары Артур Шерғалиевті таныстырды.
Аудан әкімі мен мекеме басшылары Артур Шерғалиевтің жұмысына сәттілік тіледі.
Артур Мұратұлы Сырым ауданының Жымпиты ауылында дүниеге келген. Білімі жоғары.
2014 жылы Батыс Қазақстан инженерлік-гуманитарлық университетінің “құқықтану” мамандығы бойынша, 2017 жылы Батыс Қазақстан инновациялық-технологиялық университетін “дене шынықтыру және спорт” мамандығы бойынша тәмамдаған.
Алғашқы еңбек жолын Батыс Қазақстан облысының ат спорты бойынша балалар мен жасөспірімдер спорт мектебінің жаттықтырушысы болып бастап, кейіннен Батыс Қазақстан гір спорты және қол күресінің облыстық федерациясы қоғамдық бірлестінің президенті, Орал қаласы дене шынықтыру және спорт бөлімінің “Намыс” спорт клубы директорының орынбасары, “Орал” спорт клубының меңгерушісі лауазымын атқарған.
2017-2018 жылдары Орал қаласының дене шынықтыру және спорт бөлімінің әдіскері, Сырым аудандық ішкі саясат бөлімінің бас маманы, Орал қаласының дене шынықтыру және спорт бөлімінің бас маманы қызметінде болған.
2020 жылдың тамыз айынан бүгінгі күнге дейін Орал қаласының дене шынықтыру және спорт бөлімінің басшысы қызметін атқарып келді.
Сырым ауданы әкімінің 2022 жылғы 29 қыркүйектегі #231 өкімімен Сырым ауданы әкімінің орынбасары лауазымына тағайындалды.
Отбасылы, 2 баласы бар.
Айжан Амангелдина,
Сырым ауданы,
zhaikpress.kz
