Сырым ауданында ауылдық округ әкімдерінің елді мекендердегі есептік кездесулері басталды.
Сырым ауданының әкімі Төлеген Төреғалиев, облыс әкімінің Сырым ауданындағы қоғамдық өкілі Есберген Әжібаев және облыстық мәслихаттың депутаты Ғанимат Нұрмұханов Талдыбұлақ ауылдық округіне қарасты Қазақстан елді мекенінде болып, округ әкімінің міндетін атқарушы Азамат Әбдірашевтің тұрғындармен кездесуіне қатысты.
Осы күні Сырым ауданы әкімінің орынбасары Ерболат Ахметов Бұлдырты ауылдық округіне қарасты Көгеріс ауылында және Жосалы ауылдық округіндегі Тамды ауылында өткен округ әкімдерінің есептік кездесулеріне барды.
dav
Айта кетейік, өткен жылғы есеп беру кездесулерінде тұрғындар тарапынан көтерілген 33 мәселе ауданның іс-шаралар жоспарына енгізіліп, оның 18-і орындалған. 10 мәселенің нақты шешілуі үшін биыл қаржы қарастырылмақ.
Бұдан бөлек, биліктің халық үшін қолжетімділігін арттыру мақсатында 2019 жылы Сырым ауданында 53 мәрте «Ашық әкімдік» шарасы өтіп, 402 тұрғынның талап-тілегі тыңдалған.
Бауыржан Ширмединұлы
Сырым ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
