Сырым ауданында мәдениет саласының қызметкерлері арасында "Өнерім – менің өмірім" атты аудандық байқау өтті.
Тоғанас ауылдық округінің "Бесқайың" саябағында аудандық демалыс орталығының ұйымдастыруымен өткен шараға әрбір ауылдық округтегі мәдениет қызметкерлері қатысты.
Өнерпаздар тек өнерде емес, бұқаралық спортты дамыту мен спорттық сайыстарда өзара бақ сынап, мықтылықтарын дәлелдеді.
Аталмыш байқауда "Өнер барысы" аудандық турнирі бойынша 70 келіге дейінгі салмақ дәрежесінде С.Аубакиров, әйелдер арасында қол күресінен Р.Коцелл, 70-тен жоғары салмақ дәрежесінде Г.Бегманова жеңімпаз атанса, эстафеталық сайыс бойынша "Бейбітшілік" командасы топ жарды.
Жеңімпаздарды аудандық мәдениет, тілдерді дамыту, дене шынықтыру және спорт бөлімінің басшысы Салауат Нұрпейісов диплом және естелік сыйлықтармен марапаттады.
Одан бөлек, аудан әкімінің алғыс хатын ие болған бірқатар өнерпаздарды мәдениет саласының ардагері Төлеген Есмұханов табыстады.
Айжан Амангелдина,
Сырым ауданы
zhaikpress
