Орал қаласында өткен самбодан ардагерлер арасындағы әлем чемпионаты қорытындыланды.
Нәтижесінде, 60-64 жастағы ардагерлер арасында М-6 санаты бойынша 64 келі салмақта алғабастық Қазболат Құрмашев І орынға ие болды.
М-1, М-2, М-3, М-5 санаттары бойынша 35-39 жастағы ерлер арасынан жосалылық Айбек Ғабдешев, 40-44 жас ерекшелігі бойынша 64 келі салмақта жосалылық Қанат Жанғалиев, 45-49 жас ерекшеліктерінде 88 келі салмақпен жымпитылық Серік Ихласов, 55-59 жастағы ардагерлер арасынан 98 келі салмақ дәрежесі бойынша Қаймен Есендияровтар ІІ орынға табан тіреді.
Жүлделі ІІІ орын М-5 санатында 55-59 жастағы ардагерлер арасында 79 келі салмақ дәрежесінде алғабастық Тілек Кәкеновке, 40-44 жастағы ардагер самбошылар арасынан жымпитылық Тілек Махметов пен қособалық Болатхан Аимовқа бұйырды.
Бір ерекшелігі, аталған әлем чемпионатында ерлерден бөлек, бұлдыртылық Мәншүк Баданова да жеңімпаздар қатарынан табылды.
Айжан Бауыржанқызы,
Сырым ауданы
zhaikpress.kz
