Ақтөбе қаласында өткен «Zhan bala Kazakhstan-Azerbaijan» Халықаралық шығармашылық байқау-фестивалінде сырымдық өнерпаз өрендер топ жарды.
Өнер додасында «Хореография» номинациясы бойынша 5-8 жас аралығындағы 28 қатысушы ішінен «Айналайын» би ансамблінің кіші тобы «Андижанская полька» (Өзбек биімен) Гран при иегері атанып, Баку қаласына жолдама алды.
Ал Аянат Ерхатқызы «Әжесінің еркесі» соло қазақ биімен 1 орынды қанжығалады. Мың бұралған бишілердің жетекшісі – Гүлшат Нұрмұханова.
«ORTA» дарынды балалар орталығындағы «Вокал» үйірмесінің оқушылары да осы байқауда олжалы болды.
Дильшат Жақсылық «Туған жер» әнімен 1 орын, Мадина Ғұбайдолла «Қазақ елі осындай» әнімен 2 орын, Аянат Ерхатқызы «Қазағым» әнімен 2 орынға ие болды.
Ақтөбе аспанында ән әуелеткен жас орындаушыларды баптаған – «Вокал» үйірмесінің жетекшісі Айжан Талғатова.
Шынар Молданиязова
zhaikpress.kz
