ҚР ішкі істер құрылымының құрметті ардагері, ұзақ жыл Сырым аудандық ішкі істер бөлімінде жемісті қызмет атқарған Демеуғали Берқалиев мерейлі 80 жасқа толды.
Полиция ардагеріне бұл күні айтылған ақ жарма тілектер өте көп болса, бейнебаян арқылы ардагердің жүріп өткен қызметтік жолы да әсерлі баяндалды.
Сырым аудандық полиция бөлімі бастығының орынбасары, полиция капитаны Амангелді Мекин ардагерді мерейлі жасымен құттықтап, иығына шапан жауып, құттықтау хат тапсырды.
Ал, аудандық полиция бөлімі бастығының кадр саясаты жөніндегі орынбасары, полиция подполковнигі Жанболат Аязбаев, полиция ардагері Қанат Шамаров мерейтой иесіне құттықтау лебіздерін арнап, сөз сөйледі.
Шарада Сырым аудандық ардагерлер кеңесінің төрағасы Мүсірбек Айташев аудан ардагерлері атынан Демеуғали Темірғалиұлын мерейлі жасымен құттықтап, облыстық ардагерлер кеңесінің төрағасы Мақсот Бергеннің атынан Батыс Қазақстан облысының, Құрметті ардагері, төсбелгісін ардагердің өңіріне тақты.
Айта кетейік, Демеуғали Берқалиевтің қызметіндегі мезет туралы журналист Мүсірбек Айташев «Даладағы атыс» деген әңгіме жазды.
Алтай Жұмажанов,
Сырым аудандық полиция бөлімі жанындағы ардагерлер ұйымының төрағасы , полиция ардагері
