Ақтау қаласында аймақтық «Жас толқын» жас таланттар фестивалі мәресіне жетті.
Каспий Құбыр желісі Консорциумының ұйымдастырған жобаның негізгі мақсаты - тасада жүрген табиғи таланттарды табу.
Соңғы жаңалықтарға қарасақ, сол мұрат орындалған да секілді.
Фестивальдің «Дәстүрлі ән» жанры бойынша сырымдық Жанерке Оңғарбекова бас жүлдеге ие болып, қараша айында Мәскеу қаласында өтетін халықаралық байқауға жолдама алды.
Жанеркенің жетекшісі - А. Ғұбайдуллин атындағы саз мектебіндегі дәстүрлі ән сыныбының оқытушысы, белгілі әнші Дархан Қажығалиев.
Дарханның тағы бір шәкірті Диляра Исламғали да тамаша өнер көрсетіп, дипломант атанды.
Бауыржан Ширмединұлы,
Сырым ауданы
zhaikpress.kz
