Ақжайық ауданының Чапаев ауылында “Жігер” спорт клубының 10 жылдығына орай спорт клубтары арасында ашық турнир өтті.
Жұбан елінде 12 ауданның спорт клубтары волейбол, қол күресі, арқан тартыс, шағын футбол бойынша өзара бақ сынады.
Сырым ауданы атынан қатысқан “Қайсар” спорт клубының қызметкерлері арқан тартыстан ІІІ орын алса, шағын футболдан топ жарып І орын иеленді.
Ал, “Үздік қақпашы” аталымы сырымдық Дастан Сейтжановқа бұйырды.
Жерлестерімізге “Жігер” спорт клубының атынан диплом мен медаль табысталды.
Айжан Бауыржанқызы,
Сырым ауданы
zhaikpress.kz
