Көктемгі су тасқынын алдын алу бойынша Жәнібек ауданы көлемінде дайындық іс-шаралары ұйымдастырылып, арнайы бекітілген жоспарға сәйкес жүзеге асырылуда.
Облыс әкімі Нариман Төреғалиев маңызды мәселеге қатысты нақты тапсырмалар берген болатын.
Атап айтсақ, елді мекендердегі ішкі құрылымдарды қалпына келтіру, су тасқыны кезеңінде қорғану үшін қапшықтар дайындау, су өткізу құбырларының арналарын ашу жұмысы атқарылып жатыр. Қазіргі таңда қажетті қапшықтар қоры дайындалып жатыр.
Аудан басшысы Тимур Шиниязов Жәнібек ауылындағы төтенше жағдайға қарсы атқарылып жатқан жұмыстың барысымен танысып, осы бағыттағы жұмысты жіті қадағалау қажеттігін баса атап өтті.
Сондай-ақ іс-шаралар жоспарға сай сапалы орындалуын міндеттеп, су тасқыны кезеңіне күш пен құралдардың толық дайын болуын тапсырды.
Айсұлу Жұмабай,
Жәнібек ауданы
zhaikpress.kz
