Казталов ауданындағы Талдыапан ауылдық округі әкімінің сайлауына сайлаушылар белсене қатысып жатыр.
Округ орталығы – Талдыапан ауылының тұрғындары Кереевтер отбасы да өз дауыстарын беру үшін №249 сайлау учаскесіне келді. Әр адамның дауысы маңызды екендігін жақсы түсінген олар сайлауға бір мезгілде келіп, өздері таңдаған кандидатқа дауыс берді.
«Біз әрдайым сайлауға бірге барамыз. Себебі, округіміз үшін маңызды шарадан тысқары қалуға болмайды. Ауылдың дамуы өзіміз үшін керек. Туған жерін шексіз қадірлейтін азаматтар бақ сынап жатқан сәтте өз таңдауымызды жасағанымыз дұрыс. Бұл біздің шаңырақта дәстүрге айналды»,-дейді олар.
Қыдыр Харесұлы
Казталов ауданы
