Округ әкімінің сайлауы бойынша Казталов ауданының Талдыапан ауылдық округі аумағындағы 5 елді мекендегі 4 сайлау учаскесінде дауыс беруге арналған үй-жайдан тыс жерде дауыс беру ұйымдастырылды.
Бұл шараға жекелеген тұрғындардан күндізгі сағат 12:00-ге дейін денсаулық жағдайына, сондай-ақ алыс мал шаруашылықтарында болуына байланысты түскен өтініштері бойынша ауыл іші мен мал қыстақтары бойынша 78 сайлаушы қамтылды.
Бүгінгі ауыл әкімінің сайлауында сайлау учаскесіне келуге мүмкіндіктері болмай, үйден (қырдан) дауыс берген олар болашақ округ әкімінің халықпен етене араласып, ауылдың қарыштап дамуына өз үлесін қосады деген сеніммен өз таңдауларын жасады.
Қыдыр Харесұлы
Казталов ауданы
