Жәнібек ауданының аумақтық сайлау комиссиясы 1 желтоқсанда өткен Талов ауылдық округі әкімі сайлауының қорытындысын хабарлады.
Талов ауылдық округі әкімінің сайлауына 3 үміткер өзін-өзі ұсыну тәртібімен қатысты.
Сайлау күні барлық тізімге енгізілген 373 сайлаушының 82,6 %-ы сайлауға қатысып, өз таңдауларын жасады.
Кандидаттар Култанова Үнзила Бердібекқызына – 12,1 %, Сәрсенғалиев Асқар Маратұлына – 67,6 %, Төрешов Мирасбек Берікқалиұлына – 20,3 % дауыс берілді.
Дауыс беру нәтижесінде Асқар Маратұлы Талов ауылдық округінің әкімі болып сайланды.
