Бүгін кәсіпкерлік және ауыл шаруашылық бөлімінің ұйымдастыруымен орталық базарда жеміс ағаштары, гүлдер, тұқымды картоп және жеміс-жидектер, көкіністер жәрмеңкесі өтті. Жәрмеңкедегі бағаның халыққа қол жетімді болғанын жиналған жұртшылықтың қарасының қалың болғанынан байқалды.
Ауыл тұрғындары аулаларына отырғызу үшін жеміс ағаштары мен әдемі гүлдерді таңдап алып жатты. Бұндай жәрмеңке өткен жылы да аудан орталығында бірнеше рет ұйымдастырылып, халықтың керегіне жараған еді. Биылда бұл үрдіс жалғасын тауып, ауыл тұрғындары қол жетімді бағамен өздеріне қажеттісін табуда. Осындай жәрмеңке аудан тұрғындары үшін өте қолайлы. Алдағы апталарда да жәрмеңкелер ұйымдастырылып, халыққа ұсынылатын болады.
Гүлмира Мақанова,
Тасқала ауданы,
zhaikpress.kz
