Бүгін «AMANAT» партиясы Батыс Қазақстан облыстық филиалының атқарушы хатшысы Азамат Сафималиев іс-сапармен Тасқала ауданында болды.
Алдымен ол аудан әкімдігінің мәжіліс залында «AMANAT» партиясы Тасқала аудандық филиалының төрағасы Л.Жұбанышқалиеваның төрағалығымен өткен актив отырысына қатысты.
Сондай-ақ, аталмыш жиынға аудан әкімі Талғат Шакиров, аудандық мәслихат төрағасы Жанар Бисенғалиева, облыстық партия филиалының бөлім басшылары, аудан әкімінің орынбасарлары, аудандық бөлім және мекеме басшылары, округ әкімдері мен маслихат депутаттары, бастауыш партия ұйымының төрағалары қатысты.
Күн тәртібінде «AMANAT» партиясының Тасқала ауданы бойынша 2025-2027 жылдарға арналған сайлауалды бағдарламасының жүзеге асырылуы туралы аудан әкімі Талғат Асқарұлы баяндама жасады. Сонымен қатар аудандық партия филиалының 2024 жылғы атқарылған партиялық жұмыстарының есебін филиал төрағасы Люция Әсетқызы баяндады.
Одан бөлек күн тәртібінде бекітілген «Ауыл аманаты» жобасының аудан көлемінде іске асырылуы жайлы аудандық ауылшаруашылық бөлімінің басшысы С.Шукруров айтып өтті.
Жиын соңында сөз алған Азамат Сафималиев, Тасқала ауданында партия жұмыстарының жақсы жолға қойылғанын тілге тиек етті.
Бұл жұмыстардың барлығы аудан әкімінің қолдауымен, филиал төрағасы Люция Әсетқызының ұйымдастыруымен, партияластардың ауызбіршілігінің арқасында жүзеге асырылып жатқанын айтып өтті.
«AMANAT» партиясы Тасқала аудандық филиалының төрағасы Л.Жұбанышқалиеваға шынайы ризашылығын білдірді. Содан соң белсенді деген Мерей, Ақтау, Амангелді БПҰ төрағаларын алғыс хатпен марапаттады.
