Ел болашағын жарқын етуде жастардың үлесі зор. Бір сөзбен айтқанда, жастар – қоғамның қозғаушы күші. Көзі ашық, көкірегі ояу кез келген жас ұрпақ өз елінің даму жолында аянбай тер төгеді.
Жастардың қоғамдық ой-санасын жетілдіру, шығармашылық әлеуетін арттыру, жаңашыл жобалардың қанат бітуіне жағдай жасауда Тасқала аудандық жастар ресурстық орталығының алар орны ерекше.
Жаңашыл бастаманың жанынан табыла білетін мекеме өңір жастарының ғана емес, ауыл жастарының дамуына да өз септігін тигізіп келеді.
Тасқала аудандық жастармен жұмыс жөніндегі ресурстық орталығының ұйымдастыруымен жастардың бос уақытын тиімді пайдалану бағытында «Жастар» стадионында «JASTAR fest» атты кешенді шара өтті.
Оған аудан жастары белсене катысты. Аталмыш іс-шарада қызықты ойындар ойнатылып, ашық аспан астында бейнефильм көрсетілді.
Тартысты ойын нәтижесінде І орынды «Косячники» тобы жеңіп алса, II орын «Абай» тобына бұйырды. Ал жүлделі III орынды «Баунти» тобы еншіледі. Іс-шара соңы би кешімен жалғасты.
Гүлмира Мақанова
Тасқала ауданы
