Тасқала аудандық жастармен жұмыс жөніндегі ресурстық орталығының ұйымдастыруымен «Қазақша QUIZ» зияткерлік сайысы өтті.
Сайыстың ашылу салтанатына арнайы қатысқан аудан әкімінің орынбасары Саягүл Галиева зияткерлерге сәттілік тіледі.
Сайыс барысында қатысушылар қызықты әрі сан алуан сұрақтарға жауап беріп, тапқырлықтарын көрсетті. Сұрақтар қазақ тарихынан, мәдениеті мен әдебиетінен, ғылым мен өнер саласынан дайындалған еді.
Білім мен зейінді қажет ететін бұл додаға 8 команда қатысты. Нәтижесінде сайыс тартысты әрі қызықты өтті.
«Сергелдең болған серілер» тобы І орынды жеңіп алды. Олардың дайындықтары мен команда ретінде жұмыс істеу қабілеттері жоғары бағаланды.
ІІ орынды «Madeniet» тобы иеленді, ал ІІІ орынды «Үздік төрттік» командасы алды. Бұл зияткерлік сайыс қатысушылар арасында бәсекелестікті арттырып, ұлттық рухты нығайтуға зор үлес қосып, қатысушыларға естен кетпес тәжірибе сыйлады.
Аудандық жастармен жұмыс жөніндегі ресурстық орталығы болашақта да осындай игі шараларды өткізуге ниет білдіріп отыр.
Назерке Шайхоллақызы
Тасқала ауданы
