Тасқала аудандық орталықтандырылған кітапханалар жүйесінде «Парасат жолы» жобасы аясында «Парасат жолы – адалдық айнасы» тақырыбында Тасқала аудандық жастармен жұмыс жөніндегі ресурстық орталығының басшысы, «Ақжайық адалдық алаңы» жобалық кеңсесінің жетекшісі Гүлдана Бирниязовамен жүздесу өтті.
Ұлттық мәдениет пен руханият құндылықтарын қоғамда ілгерілету, өскелең ұрпақты, жалпы қоғамды парасаттылыққа, адалдыққа, әділдікке тәрбиелеу насихаттау мақсатында өткен шараға кітапханашылар Zoom платформасы арқылы онлайн байланысқа шығып, пікір алмасты.
Шара барысында Тасқала аудандық ОКЖ әдістемелік бөлім меңгерушісі А.Куспанова «Парасат жолы» өңірлік орталығы туралы сөз алса, «Ақжайық адалдық алаңы» жобалық кеңсесінің жетекшісі Г.Бирниязова аудан бойынша жастарды адалдыққа шақыру, парасаттылыққа баулу, сыбайлас жемқорлықты болдырмау, алдын алу бағытында атқарылған жұмыстарға, адалдық, парасаттылық тақырыптарындағы оқыған кітаптарға тоқталып, жастарға кітап оқуға кеңес берді.
«Адамды адам еткен – кітап, адамзат еткен – кітапхана», - деп Әбіш Кекілбаев айтқандай, кітапхана – парасаттылықтың даңғыл жолын сілтейтін рухани орда.
ОКЖ библиографы Ш.Жуматова «Парасат жолы – адалдық айнасы» атты кітап көрмесіне шолу жасап, парасаттылыққа, адалдыққа, әділдікке тәрбиелеп, жақсылыққа жетелейтін ақын-жазушылардың шығармаларын насихаттап, оқырмандарды кітап оқуға шақырды.
Анаргүл Өтеуғалиқызы,
Тасқала аудандық ОКЖ-нің
әдістемелік бөлім меңгерушіcі
