Садық Жақсығұлов атындағы білім ордасында «Халел Досмұхамедұлы кім?» атты кітап авторы Қазбек Құттымұратұлымен кездесу кеші өтті.
Кездесуге Тасқала аудандық білім беру бөлімінің басшысы Айгүл Қасымова, аудандық орталықтандырылған кітапхана жүйесінің директоры Айгүл Дүйсенова, еңбек ардагері Өтеген Ахметов, ауданның тарих және әдебиет пәнінің ұстаздары қатысты.
Еркін форматта өткен кешті Сәулет МЛ-нің тарих пәнінің мұғалімі Нұрболат Шапиков жүргізді.
Кездесу барысында сөз алған Қазақстан жазушылар одағының мүшесі, өлкетанушы, «Халықаралық Алаш әдебиет сыйлығының лауреаты», алаштанушы, ұлт ақтандықтарының өмірлерін насихаттаушы, өңіріміздің бір туар азаматы Қазбек Қабжанов кітап таныстырылымына тоқталды.
Кітапты жазуға арқау болған Халелдің өмірі туралы қысқаша баяндап өтіп, қатысушылардың сұрақтарына жауап берді.
Кездесу соңында аудандық білім беру бөлімінің басшысы Айгүл Қадырбайқызы жылы лебізін білдіріп, Қазбек Құттымұратұлына алғысхат және естелік сыйлық табыс етті.
Шара мәдениет майталманы төсбелгісінің иегері Хайретдин Сұлтангереевтің орындауындағы «Жайнай бер Тасқала» әнімен қорытындыланды.
Гүлмира Мақанова
Тасқала ауданы
