С.Жақсығұлов атындағы жалпы орта білім беретін мектепте «Белгілі қоғам қайраткері, Тасқала ауданының құрметті азаматы Сатқали Сапарұлы Сапаровты еске алуға арналған шахматтан жасөспірім ұлдар мен қыздар арасында дәстүрлі аудандық турнир өтті.
Шараның салтанатты ашылуына аудан әкімі Талғат Шакиров, аудан әкімінің орынбасары Саягүл Галиева, Сатқали Сапарұлының ұлы Табылғали және Азамат Сапаровтар мен аудандық мәдениет, тілдерді дамыту, дене шынықтыру және спорт бөлімінің басшысы Мұхтар Таңатжан, аудандық ардагерлер кеңесінің төрағасы Жәрдемғали Балыков, «Сәулет МЛ – нің негізін қалаушы, ардагер ұстаз Бақтығұл Тасмағамбетов пен аудандық балалар және жасөспірімдер спорт мектебінің директоры Алмаз Туркаев қатысты.
Алғашқы сөзді алған аудан әкімі Талғат Шакиров пен Табылғали Сатқалиұлы өздерінің жүрек жарды лебіздерін білдіріп, шараның мақсатына тоқталды. Жарысқа қатысушыларға сәттілік тіледі. Жалпы шахмат ойыны жылдам ойлануға, тез шешім қабылдап, батыл қадам жасауға үйретеді.
Сондай-ақ баланың зейінін дамытады. Жарысқа 9 команда қатысса, оның ішінде 6-уы қыз бала. Тартысты өткен ақыл-ой спортының қорытындысында ұлдар арасында І орынды Сәулет МЛ-нің оқушысы Сапаков Марлен иеленсе, ІІ орынды Сәулет МЛ-нің оқушысы Жаксыгулов Батыр қанағат тұтты. Ал, ІІІ орынды Сәтбаев мектеп гимназиясының оқушысы Тәшім Мақсат иеленді. Қыздар арасында І орынды Амангелдi орта мектебінің оқушысы Елеукенова Аия жеңып алса, ІІ орынды Қ.Сәтбаев атындағы мектеп-гимназиясының оқушысы Саман Ару, ІІІ орынды Сәулет МЛ-нің оқушысы Мухтарова Дана иеленді.
Қатысушылар ұйымдастырушылар атынан арнайы диплом мен медальдарға ие болды. Сондай-ақ, жеңімпаздарға қаржылай сыйлық табыс етілді.
Назерке Шайхолла,
Тасқала ауданы
