Жуырда «Roboland» робототехника байқауының облыстық кезеңі өтті. Аталмыш байқауға Тасқала ауданынан Садық Жақсығұлов атындағы орта мектептің оқушылары «3D жобалау» және «шығармашылық категория» бойынша қатысып бақтарын сынады.
Екі бағыт бойынша 5 оқушы қатысқан байқаудың нәтижесінде Д.Мұратова жетекшілігімен 6 «Б» сынып оқушысы Асылжан Кужакова бірінші орын иеленіп, наурыз айында Қарағанды қаласында өтетін республикалық байқауға жолдама алды. Енді ол Қарағандыда тек аудан ғана емес облыс намысын қорғайтын болады. Ал, Д.Мұратова мен С.Өтеғалиева жетекшілік ететін 6 «Б» сынып оқушылары Дарья Довнер мен Ангелина Исмагулова ІІІ орынға табан тіреді.
Сондай-ақ, Д.Мұратованың жетекшілігімен 6 "А" сынып оқушылары Алина Мұрат мен Райана Туркешева «Алғысхатпен» марапатталды.
Болат Бек,
Тасқала ауданы
