Теректі ауданының әкімі Әділ Жоламанов Ақжайық ауылдық округіне жұмыс сапарымен барды.
Алдымен, Абай ауылына ат басын бұрып, ауылдағы күрделі жөндеуден өтіп жатқан клубты көрді. Аудандық газет Абай ауылындағы клуб жөндеу көретінін бұған дейін де жазған болатын. «Жұмыспен қамтудың жол картасы» бағдарламасы аясында 63 млн. теңгеге қарастырылып, жұмыстар басталып кетті.
Мердігер төрт айдың ішінде жұмыстары аяқтаймыз деп отыр. Аудан басшысы жергілікті халықпен жүздесіп, олардың өтініш-тілектерін тыңдады. Абай ауылының тұрғындары көтерген мал бағымы, көшелерді жарықтандыру мәселелері жуық арада шешімін табады. Жергілікті халық мәдени ошақтың жөнделіп жатқанына дән риза екендіктерін жеткізді.
Ақжайық ауылында да игілікті жұмыстар бар. Соның бірі – ауылға кіреберіс көшенің жолы жөнделуде. Орталық көшеде үш қабатты тұрғын үй, округ әкімдігі, балабақша, аурухана орналасқан.
Әділет Әлібек
Теректі ауданы
zhaikpress.kz
