Бүгін Теректі аудандық экономика және қаржы бөлімінің басшысы болып Ғабит Талаптанұлы Ғазиев тағайындалды.
Ғабит Ғазиев 1976 жылы Қаратөбе ауданы Қаракөл ауылында дүниеге келген.
Білімі – жоғары. Батыс Қазақстан ауыл шаруашылығы институтын «бухалтерлік есеп, бақылау және ауыл шаруашылығын бақылау» мамандығы бойынша тәмамдаған.
Жаңа қызметке тағайындалғанға дейін БҚО Қаржы басқармасының инвестициялық саясат және мемлекеттік-жекешелік әріптестікті дамыту бөлімінің бас маманы қызметін атқарған.
Басшыны ұжымға Теректі ауданы әкімінің орынбасары Амангелді Тоғызбаев таныстырып, жұмысына сәттілік тіледі.
Айнұр Алаша
Теректі ауданы
