Бүгін республикалық референдум аясында Теректі ауданы, Подстепный ауылындағы №360 референдум учаскесінің жанында жергілікті өнім өндірушілердің қатысуымен жәрмеңке өтті.
Жәрмеңкенің мақсаты – ауыл кәсіпкерлерін қолдау және тұрғындарға сапалы, табиғи өнімдерді қолжетімді бағамен ұсыну. Іс-шара барысында келушілерге бал, қолөнер бұйымдары, сүт және ет өнімдері, көкөністер мен басқа да жергілікті өнімдер ұсынылды.
Ауыл тұрғындары жәрмеңкеге белсенді қатысып, өздеріне қажетті азық-түлік пен тұрмысқа қажетті тауарларды тиімді бағамен сатып алды. Мұндай шаралар ауыл шаруашылығы өнімдерін өндірушілерге қолдау көрсетіп қана қоймай, тұрғындар үшін де пайдалы сауда алаңына айналып отыр.
Қаламқас Саясатова
