Оқушылардың отансүйгіштік сезімін, азаматтық жауапкершілігін қалыптастыру, еліміздің тарихына құрметпен қарау және тәрбиелеу мақсатында Теректі орталық стадионы базасында «Айбын» атты әскери-патриоттық іс-шара өткізілді.
Шараға ауданның 14 мектебінің 8-11 сынып оқушылары қатысты. Салтанатты іс-шара еліміздің туы көтеріліп, әнұран шырқаумен басталды. Сайысқа қатысушылар: белтемірде тартылу, арқаға жатып денені көтеру, әскерилендірілген кросс, әскерилендірілген эстафета, арқан тарту, пневматикалық винтовкадан ату және АК-74 бөлшектеу мен жинақтау бойынша өзара мықтыларды анықтады.
Іс-шара барысында барлық қатысушылар жоғары белсенділік көрсетті. Жалпыкомандалық есеп бойынша Шаған жалпы орта білім беру мектебі жеңімпаз атанды.
Іс-шара жоғары деңгейде өтті. Оқушылардың бойынан патриоттық рух, тәртіп және ұйымшылдық байқалды.
Теректі аудандық білім беру бөлімі
