Бүгін Жұбан Молдағалиев атындағы облыстық орталық әмбебап кітапханасында облыстық кәсіподақтар орталығы жанындағы "Келешек" жастар кеңесінің ұйымдастыруымен қазақша "Quiz" интеллектуалды ойыны өтті.
Ойынға облыстық оқу-ағарту ғылым және жоғары білім қызметкерлері кәсіподақ ұйымының, жастар кеңесінің командалары қатысты.
Білім саласында білгірлігін көрсетіп жүрген Теректі аудандық балалар шығармашылық үйінің бұқаралық бөлім меңгерушісі Үміткер Орынғалиев те аталмыш сайыста топ капитаны болып, "Үздік ойыншы" аталымына ие болды. Сондай-ақ ол бастаған топ жүлделі 3-орынға қол жеткізді.
Ақтілек Орынбасар,
Теректі ауданы
