Тасқала аудандық мектептен тыс жұмыс орталығының ұйымдастыруымен орталық ғимаратында «Техно-Stand» тақырыбында аудандық көрме-байқау өткізілді.
Аталған байқау алғаш рет ұйымдастырылып, оқушылардың қызығушылығын арттырды. Байқаудың мақсаты оқушылардың техникалық шығармашылығын дамыту, олардың ой-қиялын асқақтатып, іздену мен жаңашылдыққа мүмкіндік беруге бағытталған. Байқауға аудандық білім беру ұйымдарынан 23 ғылыми жұмыс ұсынылып, 28 оқушы жобасын топпен қорғады. Жұмыстар жеті бағыт бойынша сараланып, үздіктер анықталды. Нәтижесінде «Кеме үлгілері С-1 класы» бойынша ІІІ орынға Амангелді мектеп-бөбекжай-балабақша кешенінің оқушысы Әбілмансұр Есенгелді, ІІ орынға Шежін мектеп-бөбекжай-балабақша кешенінің оқушысы Ернар Сисекешов ие болды. Сол бағыттың «С-2 класы» бойынша ІІ орынды мектептен тыс жұмыс орталығының тәрбиеленушісі Әли Бақытжан алды. «Авто үлгілері АВ-1» класында Ақтау мектеп-бөбекжай-балабақша кешенінің оқушысы Әділхан Серікбай, «АВ-2 класы» бойынша ІІІ орынға Мереке мектеп-бөбекжай-балабақша кешенінің оқушысы Асхат Маюков, ІІ орынға С. Жақсығұлов атындағы жалпы білім беретін орта мектептің оқушысы Максим Давыдов, І орынға мектептен тыс жұмыс орталығының тәрбиеленушісі Нұрбейбіт Нәсіпқали ие болып, жеңімпаз атанды.
«Авиа үлгілері АS -2 класы» бойынша ІІІ орынға С. Жақсығұлов атындағы жалпы білім беретін орта мектептің оқушысы Петер Удут, ІІ орынға «Сәулет» мектеп-лицейінің оқушысы Әлішер Өмірзақ, І орынға мектептен тыс жұмыс орталығының тәрбиеленушісі Нұрдәулет Мәулен табан тіреді. «Әскери техникалық ВТ-1 класы» бойынша І орынға мектептен тыс жұмыс орталығының тәрбиеленушісі Нұрдәулет Мәулен, «ВТ-2 класы» бойынша ІІ орынға мектептен тыс жұмыс орталығының тәрбиеленушісі Әли Бақытжан, «Диорамалар класы» бойынша ІІІ орынға Мереке мектеп-бөбекжай-балабақша кешенінің оқушысы Айдарбек Нарымбаев, ІІ орынға Атамекен мектеп-бөбекжайбалабақша кешенінің оқушысы Жұбанов Диас тұрақтады. «Ғарыштық техникалар үлгісі» бойынша ІІ орынды Оян мектеп-бөбекжай-балабақша кешенінің оқушылары Мират Бұлқайыр мен Асылжан Ажғалиев, «Ауыл шаруашылық техникалар үлгісі» бойынша ІІ орынды Оян мектепбөбекжай-балабақша кешенінің оқушысы Нұралы Құрманғали, І орынды Қ. Сәтбаев атындағы жалпы білім беретін орта мектеп оқушысы Ақұштап Бақтыгерей иеленді.
Түрлі бағыт бойынша жеңімпаз атанған оқушылар бағалы сыйлықтар және дипломдармен марапатталып, облыстық кезеңге жолдама алды.
Меңдібек Лұқпанов,
Тасқала ауданы
zhaikpress.kz
