«AMANAT» партиясының Ақжайық аудандық филиалының төрағасы Артур Ермуханов «Ардагерлерді ардақтайық» партиялық жобасы аясында тыл ардагерлерінің шаңырақтарына арнайы барып, оларды Ұлы Жеңістің 80 жылдық мерейтойымен құттықтады.
Бұл кездесулер барысында ардагерлерге партия атынан алғыс айтылып, естелік сыйлықтар табысталып, ыстық тілектер ақтарылды.
– Ардагерлердің өмір жолы, ел үшін атқарған еңбектері – бүгінгі біз секілді ұрпақ үшін үлкен өнеге. Осындай кездесулер арқылы біз тарихи жадымызды жаңғыртып, ардагерлерге деген ілтипатымызды көрсетеміз. Ұлы Отан соғысы жылдарында тылда тер төккен ардагерлеріміздің еңбегі ешқашан ұмытылмайды, – дейді филиал төрағасы А.Ермуханов.
Аида Асылбек,
Ақжайық ауданы
