Жақында Жаңақала аудандық орталықтандырылған кітапхана ұжымының ұйымдастыруымен ұстаздық жолда өзіндік ізін қалыптастырған ұлағатты ұстаз Қазбек Альмухановтың 50 жасқа толуына орай кеш өтті.
Кешке ұстазды кұрмет тұтар әріптестері мен группаластары, шәкірттер қатысты. Мерей жас иесіне аудандық мәдениет бөлімінің және аудандық білім беру бөлімінің атынан алғысхаттар табыс етілді.
Қазбек Қуанышұлы – ұстаздық жолмен қоса, поэзия әлеміне қалам тербеп жүрген ақынжанды тұлға. Кеште №3 мектеп оқушылары ұстаз қаламынан туған «Аталарым», «Аманат», «Әкеме», «Шабыттану» атты өлеңдерін мәнерлеп оқыса, сөз арасында Қазбек Қуанышұлы «Балалық шақ», «Мені де жаным мәпеле», «Кешірім» атты өлеңдерін өзі оқыды.
Ұстаздың А.Ажғалиев, Д.Серғазиев есімді группаластары өз кезегінде сөз алып, қызықты естеліктерімен бөлісті. Аудандық аналар кеңесінің төрайымы, ардагер ұстаз А.Сапарова аналық, әріптестік ақ тілегін жеткізді.
Рая Жұмағалиева,
Жаңақала ауданы
zhaikpress.kz
