Бәйтерек аудандық тәрбие жұмысы орталығы ұлттық ойын түрлеріне ерекше мән беруде. Бұл бағытта өткен оқу жылында түрлі іс-шаралар ұйымдастырылды. Таяуда тоғызқұмалақтан оқушылар арасында сайыс өткізілді. Достық-таныстық кездесу бағытында ұйымдастырылған іс-шараға Қ.Қайсенов атындағы, Зеленов мектептерінің оқушылары және аудандық тәрбие жұмысы орталығының тәрбиеленушілері қатысты.
Нәтижесінде қыздар арасында қола жүлдеге Еркеназ Жасталап (Зеленов ЖОББМ), Инабат Өтеген (Қ.Қайсенов ЖОББМ) ие болса, 2-орын Карина Хусайнова (Қ.Қайсенов ЖОББМ) мен Мәдина Орынбаеваға (Қ.Аманжолов ЖОББМ) бұйырды. Ал Аянат Наурызғалиева (Зеленов ЖОББМ) мен Жасмина Еншібаева (Қ.Аманжолов ЖОББМ) үздік деп танылды. Ер балалар арасында Жасұлан Абұлхаиров (Зеленов ЖОББМ) топжарса, Аман Дүйсенғалиев (Қ.Аманжолов ЖОББМ) пен Дастан Исенов (Қ.Қайсенов ЖОББМ) қалған жүлделі орындарды өзара бөлісті.
Марапттау рәсімінен кейін қатысушы балаларға ұйымдастырушы ұстаздар атынан дастархан жайылды.
Достық-таныстық кездесудің басты мақсаты, көрші ауылдың балаларын бір-бірімен таныстыру, салауатты өмір салтын, ұлттық ойын түрлерін насихаттау болатын. Қазіргі бала ертең ел тұтқасын ұстайтын азамат болатынын ескерсек, ұлттық болмысымыздың нышаны болып табылатын ұлттық ойын түрлерін олардың арасында насихаттау маңызды шаруалардың бірегейі деп білеміз. Сол себепті аудандық тәрбие жұмысы орталығы бұл бағытта талмай еңбек етеді.
Г. Жиналиев,
Бәйтерек аудандық тәрбие жұмысы
орталығының бөлім меңгерушісі
