Алғыс айту күніне орай Қаратөбе аудандық мәдениет, тілдерді дамыту, дене шынықтыру және спорт бөлімінің және аудандық балалар-жасөспірімдер спорт мектебінің ұйымдастыруымен спорттық жарыс өтті.
Ұлттық спорт ойындары түрлерінен өткен жарысқа аудандық балалар-жасөспірімдер спорт мектебінің шәкірттері, Қаратөбе мектеп-гимназиясының, Мұхит атындағы мектептің оқушылары қатысты.
Сайыс қорытындысы бойынша, қазақтың ұлттық спорт түрі арқан тартыстан І орынды «Қыран» тобы, ІІ орынды «Бүркіт» тобы, ІІІ орынды «Барыс» тобы иеленді.
Аударыспақтан І орынды «Қыран» тобы, ІІ орынды «Арлан» тобы, ІІІ орынды «Арм» командалары өзара бөлісті.
Жекелей оқушылар арасында асық атудан І орынды Ерболат Рысбаев, ІІ орынды Қарасай Дәулет, ІІІ орынды Қайыржан Мейірім еншіледі.
Маралбек АМАНТАЕВ,
Қаратөбе ауданы
zhaikpress.kz
