Ұлы Жеңістің 80 жылдығы қарсаңында Жалпақтал ауылында тұратын бір топ тыл ардагерлері Қазақстан Республикасы Президентінің 2025 жылғы 28 сәуірдегі жарлығы бойнша «Ұлы Отан соғысындағы жеңіске 80 жыл» мерекелік медалімен наградталды.
Наградталғандардың арасында Жеңісті жақындатуға сүбелі үлес қосқан жерлестеріміз Айтжанов Бисенғали, Қабдығалиева Күнсұлу, Иманғалиева Клара, Молдағалиева Үміт, Мақсотов Науан, Рахатова Мәлика, Төреғалиев Мұса, Кереева Айман, Тасыбаева Уәсила, Сариев Мазғұт, Шакирова Марфуға бар.
Қазақстан Республикасы Президенті Қасым-Жомарт Тоқаевтің атынан жолданған мерекелік медалді Жалпақтал ауылдық округінің әкімі Ғаділбек Әлібеков және ардагерлер Кеңесінің төрағасы Ғилым Едекешев табыс етті.
Марапаттарыңыз құтты болсын, құрметті тыл ардагерлері.
Қыдыр Харесұлы
Казталов ауданы
