Дариян ауылдық кітапханасы және Озерное ауылдық кітапхнасы бірлесіп, «Бір ел - бір кітап» республикалық акциясы аясында белгілі жазушы, ҚР еңбек сіңірген қайраткері Төлен Әбдіковтің шығармашылығына арналған «Ұрпақ тәрбиесіне өзіндік үлес қосқан» атты ақпарат сағатын өткізді.
Қазақстандық «Бір ел - бір кітап» акциясы АҚШ-та өте танымал болған «Бір кітап, бір Чикаго» кітапханалық жобасына негізделген. Акция елімізде ҚР Мәдениет министрлігінің қолдауымен ҚР Ұлттық академиялық кітапханасы мен ҚР Кітапханашылар Ассоциациясы бастамасымен 2007 жылдан бастап өткізіліп келеді.
Биыл акция аясында қазақ жазушысы, драматург, қоғам қайраткері Төлен Әбдікұлының шығармаларын оқуға ұсынылды. Қазақ прозасының интеллектуалдық деңгейін көтерген көркем сөз шебері, ҚР Мемлекеттік сыйлығының иегері, көрнекті жазушы Төлен Әбдікұлының қай шығармасы болсын ойландырады.
Шарада кітапханашылар белгілі жазушы, мемлекеттік сыйлықтың лауреаты Төлен Әбдіковтің өмірбаянымен таныстырып, «Әке», «Парасат майданы», «Истина» кітаптарына библиографиялық шолу жасады.
Кеш соңында кітапхана ұжымы қатысушыларды жазушының шығармаларын бірге оқуға шақырды.
Динара Даумова,
Бәйтерек ауданы
zhaikpress.kz
