Бөкей ордасы ауданы әкімі Нұрлан Рахымжанов тиісті сала басшыларымен бірге Орда және Темір Масин ауылдық округтеріне жұмыс сапарымен барды.
Сапар барысында Орда ауылдық округіне қарасты Үштерек елді мекеніндегі бастауыш мектебінде жүргізіліп жатқан күрделі жөндеу барысымен танысты.
Жөндеу жұмысын «КАЗОКК» ЖШС жүргізуде. Жұмыс үш айға жоспарланған. Қарастырылған қаржы 23 млн. 673 мың теңгені құрайды.
"Жұмыспен қамту жол картасы" бағдарламасы аясында бұл жұмысқа жергілікті жерден 3 адам жұмысқа тартылған. Сонымен қатар аудан басшысы осы елді мекендегі кітапханаға бас сұғып, жұмыстың жай-күйін білді. Алдағы уақытта бұл ғимарат та жөнделеді деп күтілуде. Т.Масин ауылдық округіндегі М.Бегалиева атындағы мектепке бас сұқты. Бұл мектепке "Жұмыспен қамту жол картасы" бағдарламасы аясында күрделі жөндеу жүргізілуде.
Жөндеу жұмысын "ИнгоСтрой" ЖШС атқаруда. Жұмысқа ауылдан 27 адам тартылған. Күрделі жөндеу 4 айға жоспарланған. 180 млн. 526 мың теңге бөлінген.
Еркебұлан Бисенғалиев
Бөкей ордасы ауданы
zhaikpress.kz
