Ел Тәуелсіздігінің 30 жылдығына орай Сырым ауданы әкімінің орынбасары Асланбек Сарқұлов арнайы барып, Қ.Мырзалиев атындағы орта мектебінің тәжірибелі ұстазы Мақсот Жақыгереевке ұжымы алдында "Қазақстан Тәуелсіздігіне 30 жыл" мерекелік медалін салтанатты түрде табыс етті.
Мақсот Еркінұлы 40 жылға жуық еңбек еткен ұстаздық жолында үнемі үздіксіз еңбектенумен қатар нәтижелі еңбегі үшін де бірқатар марапаттарды иеленді.
Атап айтар болсақ, ҚР Білім және Ғылым министрлігі республикалық қосымша білім беру орталығынан Жалпы орта, қосымша, техникалық және кәсіптік білім беру ұйымдарының білім алушылар арасында өткізілген «Жастар. Ғылым. Техника» ғылыми-техникалық шығармашылық зерттеу жұмыстарының республикалық интернет-байқауының жеңімпазын дайындап, білім алушылардың шығармашылығын әлеуетін дамытуға, оқу-зерттеу қызметінің заманауи жетістіктерін дәріптеуге ықпал еткені үшін "Алғыс хатпен", ҚР Тәуелсіздігінің 25 жылдығы аясында "Ұстаздар күні" мерекесіне орай Сырым ауданы әкімінің, ҚР кіші ғылым академиясының "Алғыс хаттарымен" марапатталған.
"Ұстазы жақсының ұстанымы жақсы"- демекші, М. Жақсыгеревтей білікті ұстазға шәкірт болған жандардың осалы болмауы тиіс деп есептейміз.
Салтанатты жиын соңында Мақсот Еркінұлы ұстаз еңбегін әрдайым елейтін Сырым ауданы әкімдігі мен ұжымына алғысын білдірді.
А. Бауыржанқызы,
Сырым ауданы
zhaikpress.kz
