Бүгін Жаңақала аудандық спорт кешенінде «Jastar» спорт клубының ұйымдастыруымен ардагерлер және жастар арасында үстел теннисінен аудан біріншілігі өтуде.
Алдымен жарыстың ашылу салтанатында көк туымыз желбіреп, гимн шырқалды. Сондай-ақ шараға аудан әкімінің орынбасары Ақнұрлы Еслямғалиева, аудандық мәдениет, тілдерді дамыту, дене шынықтыру және спорт бөлімінің басшысы Данял Танзенов, «Jastar» спорт клубының директоры Жанболат Гумаров қатысты. Ақнұрлы Нұрғалиқызы ауданда бұқаралық спортты дамытуға үлесін қосып жүрген спортшыларға сәттілік тіледі.
Үстел теннисінен өтіп жатқан сайысқа Бірлік, Меңдешев, Мәстексай, Жаңажол, Қызылоба, Көпжасар, Пятимар ауылдық округтері, Мұқыр елді мекені, Жаңақала желілік-өндірістік басқармасы, Жаңақала ЖОББ мектебі, №3 ЖОББ қазақ мектебі, балалар-жасөспірімдер спорт мектебі және «Jastar» спорт клубының командалары қатысып, бақ сынауда.
Бәсекелі сайыстың нәтижесін газетіміздің алдағы санынан оқи аласыздар.
Нұргүл Елтайқызы,
Жаңақала ауданы
zhaikpress.kz
