Жыл қорытындысы бойынша Шыңғырлау ауданының спорт саласы мамандарын құрметтеу, үздіктер мен жаттықтырушыларды марапаттау, жанашырлар мен демеушілерге алғыс білдіруге бағытталған "Спортшылар балы - 2022" жылдың үздік спортшыларын марапаттау рәсімі ұйымдастырылды.
Кешке түрлі деңгейдегі байқаулардың жеңімпаздары, спорт ардагерлері мен жанкүйерлер, жастар қатысты.
Шараға қатысқан аудан әкімі Әлия Мұханбетжанова аудан мақтанышына айналған жерлестеріміз бен қолдау көрсеткен жандарға алғысын білдіріп, жыл бойына осы салада жетістіктерге жеткен спортшыларды марапаттады. Сонымен қатар, осы кеште бұқаралық спортты дамытуға және қолдау білдірген жандар да облыстық дене шынықтыру және спорт басқарма басшысы мен аудан әкімінің алғыс хаттарымен және 23 аталым бойынша барлығы 50-ге жуық адам лайықты марапатқа ие болды.
Ерекше ұйымдастырылған кеште «Спорт клубы» мекеме қызметкерлерінен құрылған жастардың орындауындағы «Спорт» және «Достық» билері, «Ғасыр» тобының орындауындағы «Бозжорға» әні, аудандық мәдениет үйінің өнерпаздарының ұсынған өнерлері, сонымен қатар көрермендермен ойнатылған ойындар баршаға тамаша көңіл-күй сыйлады.
Аман Сағи,
Шыңғырлау ауданы
zhaikpress.kz
