Жуырда Бәйтерек ауданы әкімінің орынбасары Ерлан Ғалиев пен Бәйтерек аудандық №2 аурухананың директоры Ербол Сәрсенғалиев Мичурин ауылдық округына қарасты Зеленое ауылында саланып жатқан медициналық пункттің құрылысымен танысты.
Олар құрылыс жұмыстарының сапасы мен қарқынын тексеріп, мердігерлермен құрылыс жұмыстарының мерзімі мен нормаларын сақтау мәселелерін талқылады.
Аурухана директорының айтуынша, бұл нысан жергілікті тұрғындар үшін өте маңызды, өйткені ол қазіргі заманға сай алғашқы медициналық көмекке қол жеткізуді қамтамасыз ететін болады.
Қазіргі уақытта ғимараттың қасбеті дайын, электр желісін тарту жұмыстары аяқталды. Енді ішкі әрлеу жұмыстары мен желдету жүйелерін орнату басталуда. Мұнда 9 адам жұмысқа тартылған.
Шамамен құрылыс жұмыстары биығы маусымда бітеді деп жоспарланып отыр. Медпункт ашылған соң жергілікті тұрғындар ешқайда бармай осы жерден сапалы медициналық көмек алатын болады.
Аудан әкімінің орынбасары атап өткендей, жергілікті атқарушы құрылым құрылыс жұмыстарының жүру барысын қадағалап, қажет қолдауды көрсетеді. «Медициналық пункттің уақтылы тапсырылуы және барлық стандарттарға сай болуы маңызды» деді Ерлан Ерсайынұлы.
Бақыт Серік
Мичурин ауылдық округі
