Бүгін Жалпақтал ауылдық округінің әкімі Ғаділбек Әлібеков Казталов ауданының ветеринария саласында ұзақ жыл еңбек етіп, 63 жасқа толуына орай зейнеткерлік демалысқа шығып отырған Тапалов Мұрат Жәлелұлын қабылдап, ауылдастары атынан туған күнімен құттықтады.
- Жаңа жыл қарсаңында пайғамбар жасына толып, зейнеткерлікке шығып отырған Сіздің туған ауылымыздың өсіп-өркендеуі мен ветеринария саласына қосқан үлесіңіз ұшан теңіз. Уақытты талап етпейтін сүйікті мамандығыңыздың арқасында ауылдастардың сый-құрметіне де бөленіп, білімді, кемел ұрпақ та тәрбиелеген сүйікті әке атандыңыз. Болашақта еселі еңбегіңіздің зейнетін көріп, ұзақ жасаңыз. Туған күніңіз құтты болсын!, - деді Ғаділбек Әлібекұлы өз құттықтауында.
Қыдыр Харесұлы
Казталов ауданы
