Жалпақтал ауылында жүз жылдық тарихы бар «Обаға қарсы күрес» мекемесінде ұзақ жылдар бойы үздіксіз қызмет жасап, бір мезгілде зейнеткерлікке шыққан осы ұжымның төрт бірдей еңбек ардагерін Жалпақтал ауылдық округінің әкімі Ғаділбек Әлібеков қабылдап, алғысхаттар табыс етті.
Қызығынан гөрі қиындығы мен қауіптілігі басым тұратын осынау айтулы мекемеде жылдар бойы үздіксіз еңбек етіп, жемісті зейнеткерлік жасқа жеткен ардагерлер қатарында мекеменің зоологі Ерлан Рахатов, дезинфектор қызметін атқарған Сабыртай Темешов, Амангелді Сәрсенғалиев және кіші қызметкер Қарлыға Машировалар бар.
Қабылдау шарасында еселі еңбектері көп жариялана бермейтін құпиялау мекеменің ардагерлерін жылы қабылдап, құрмет көрсете білген ауыл әкімі Ғаділбек Әлібекұлына осы ұжымның басшысы Айдана Ғимыранқызы мен мекеменің зоологі Ерлан Боқайұлы сөз алып, зейнеткерлер атынан өз алғыстарын жеткізді.
Қыдыр Харесұлы
Казталоы ауданы
