Жаңақалада аудандық мешіт жамағаты мен жастармен жұмыс жөніндегі ресуртық орталығының ұйымдастыруымен Ораза айт мерекесіне орай “Дәстүрлі садақ ату” ересектер арасында аудандық турнир өтті.
Бақ сынасқан 20 спортшы өз қабілеттерін ортаға салды. Бүгінде танымал спорт түріне айналған мергендер бәсекесінде ерлер арасында Ерлан Қошпанов 3-орынды иеленсе, Әділжан Сисенов 2-орынды місе тұтып, Батыр Махметов аса қырағылығымен жебесін нысанаға дөп тигізіп, бірінші орынды қанжығасына байлады.
Нәзік жандылар да тартысты додадан қалыс қалмай, Айжан Ғалиева 3-орынға лайық деп танылса, республикалық және облыстық садақ ату ойындарынан бірнеше дүркін жеңімпаздары Ақерке Сансызбаеваға 2-орын бұйырды. Ал Алмагүл Сахипова үздік деп танылды.
Ақерке Ғилымхан,
Жаңақала ауданы
