Бүгін аудан орталығындағы "Тәуелсіздік" саябағында 2022-2023 оқу жылының 12 "Алтын белгі" иегері мен 15 " Үздік аттестат" иегерлерін марапаттау рәсімі өтті.
Салтанатты жиында аудан әкімі Алпамыс Жаңабайұлы Көшкінбаев түлектерді құттықтап, " Алтын белгілерін" табыстады. Түлектер мен ата-аналарға "Алғыс хат" табыс етіліп, естелік сыйлықтар мен гүл шоқтары берілді. Ата-аналар атынан Қ.Мұқашев құттықтау сөз сөйлесе, түлектер атынан Жаңақала жалпы орта білім беретін мектебінің "Алтын белгі" иегері Камила Гафарова ақ тілегі мен ақжарма алғысын жеткізді. Салтанатты жиын барысында үлгілі " Нұрбибі" ансамблінің бишілері " Домбыра" биін билеп, мектеп түлектері ән шырқады. Жиын соңында түлектер аудан әкімімен естелік суретке түсті. Сәт сапар, жас түлек!
Рая Жұмағалиева,
Жаңақала ауданы
zhaikpress.kz
