Кеше аудан әкімдігінің қолдауымен мәдениет, тілдерді дамыту, дене шынықтыру және спорт бөліміне қарасты аудандық «Jastar» спорт клубы волейболдан Жаңақала ауданы әкімінің кубогын өткізді.
Оған Атырау қаласының «BINOM» командасы мен облысымыздың Жәнібек, Казталов, Бәйтерек, Шыңғырлау, Теректі, Бөкей Ордасы мен аталмыш ауданға қарасты Ұялы ауылы және Жаңақала, Мәстексай ауылынан барлығы 10 құрама қатысып, бақтарын сынады.
Ашылу салтанатына аудан басшысы Алпамыс Көшкінбаев, округ әкімі Ақан Қапанов, аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Абат Ишанов, мәдениет, тілдерді дамыту, дене шынықтыру және спорт бөлімінің басшысы Ақнұрлы Еслямғалиева және «Jastar» спорт клубының басшысы Жанболат Гумаров қатысты.
Жеребе арқылы үш топқа бөлініп, сынға түскен командалар арасынан Казталов ауданы 3-орынға, Теректіліктер 2-орынға, ал Байтерек ауданының командасы 1-орынға лайық деп танылды.
Жеңімпаздарға арнайы кубок, медальдар табысталып, қаржылай марапатқа ие болды.
Айзада Ақбасова,
Жаңақала ауданы
