Бүгін Жаңақала ауданы әкімдігінің кіші мәжіліс залында аудан әкімі Алпамыс Жаңабайұлы олимпиада жүлдегерлерімен жүздесті. Жиын барысында аудан басшысы ізгі лебізін жолдағаннан кейін, ауыл мектептері арасында өткізілген олимпиаданың республикалық кезеңінен елеулі орын алған мектеп оқушылары мен ата-аналарына, ұстаздарына алғысхаттар мен сыйлықтар табыс етті.
Білім беру бөлімінің басшысы Данял Танзенов сөз алып, аудан намысын асқақтатып, мерейін үстем етіп жүрген жас өрендерге жарқын болашақ тілеп, ақ тілегін жеткізді.
Әрі қарай, республикалық «Қадыр оқулары – 2024» байқауының 1-орын жүлдегері Жаңақала мектеп-гимназиясының 11-сынып оқушысы Аймырза Абайұлы (жетекшісі Жанайдар Болатбекұлы) сөз өнерінің түбін түсіріп, ерекше нақышта Қадыр Мырза Әлінің өлеңін оқып, жиналғандардың қошеметіне бөленді.
Сондай-ақ, ата-аналар да білім саласында сара жол салған ұстаздарға алғыстарын білдірді.
Ақерке Мәлікқызы
Жаңақала ауданы
