Жаңақала ауданына қарасты Қырқопа ауылдық округінің мәдениет үйінде обылыстық "Дала дарындары" байқауының аудандық іріктеу кезеңі өтті.
Болашақ өнер жұлдыздарының шығармашылық қабілетін арттырып, қолдау білдіру мақсатында ұйымдастырылған фестивальге бірнеше ауылдық округтің талантты жастары қатысып, өз өнерлерін ортаға салды.
Кеш "Салтанат" ансамблінің "Қазақ" биімен бастау алып,одан кейін, сахна төріне барлық қатысушы өнерпаздар шақырылып, таныстырылды. Әрі қарай ауыл әкімі Абзал Ғайноллаұлы сөз алып, дарынды жастарымызға игі тілегін білдіріп, сәттілік тіледі.
Аудандық байқауда өнерпаздар 4 жанр : эстрадалық вокал, би өнері, сатиралық жанр және бейнелеу өнері бойынша бақтарын сынап, әр жанрдың екі кезеңінен өту арқылы сайысқа түсті.
Бірінен бірі озған жүйріктердің ішінен облыстық байқауға өткен үміткерлер алдағы уақытта анықталатын болады.
Фариза Махамбетова,
Жаңақала ауданы
