Бүгін «Jastar» спорт кешенінде Айдархан жалпы орта білім беретін мектебінің 2010 жылғы түлектерінің ұйымдастыруымен Әділғали Жолдыбаевты еске алуға арналған волейболдан аудандық турнирдің ашылу салтанаты өтті.
Жарысқа ауылдық округтерден жиналған барлығы 8 команда қатысуда. Мемлекеттік Гимн орындалғаннан кейін, аудан басшысы Алпамыс Көшкінбаев пен марқұмның әкесі Елеуғали Әділғалиұлына сөз берілді. Сондай-ақ, құрдастары атынан марқұмның ұлдарына Орал қаласында орналасқан «Sport-master» спорттық киімдер дүкенінен 100 000 теңге ақшалай сертификат табыс етіп, қатысушылар ақтан дәм татты.
Сондай-ақ, жарысқа қатысушы Мәстексай ауылдық округінің құрамасы Әділғалидың жолдасы мен екі ұлына 50 000 теңге ақшалай сыйлық ұсынды. Әрі қарай, Әділғали Елеуғалиұлын 1 минут үнсіздікпен еске алды.
Жарыс аталмыш спорт клубында жалғасатын болады.
Ақерке Ғилымхан
Жаңақала ауданы
