"Тазалық – денсаулық кепілі" деп айтылса, қоршаған ортаны таза ұстау – баршамыздың парызымыз. Жаңақала ауданы әкімі Алпамыс Көшкінбаевтың 2024 жылғы 29 наурыздағы №44-Ө аудан бойынша санитарлық-экологиялық айлықты өткізу туралы өкімі бойынша 6 сәуір мен 4 мамыр аралығында тазалық айлығы жарияланған болатын. Бүгін сол кезекті сенбілік жалғасын тауып, полигон аймағының 2 бағытын тазалап, зират басын қоршау жұмыстары жүргізілді.
Сонымен қатар ауыл ішіндегі саябақтардың ағаштарын шығару жұмыстары да атқарылды. Тазалық, көркейту-көгалдандыру жұмыстары баршамызға ортақ.
Әр сенбілікке тұрғындар ерікті түрде қатысып, білек сыбана жұмыс істеуі керек. Өйткені игілікті іс жұмыла кіріскенде ғана нәтижелі болады.
Аруғаным Қазиева,
Жаңақала ауданы
