Бүгін Жаңақала мектеп-гимназиясының жатақхана ғимаратының алаңында "Күншуақ" жазғы демалыс лагерінің 2-кезеңінің ашылу салтанаты өтті. Барлығы 200 оқушы қамтылатын аталмыш лагерь төрт кезеңнен тұрады. Әр кезеңге 50 оқушыдан жоспарланған.
Шара барысында ҚР Гимні орындалып, мектептен тыс жұмыс орталығының директоры қызметін уақытша атқарушы Ринат Дияр сөз сөйлеп, балдырғандарға ізгі тілегін жолдады.
Аталмыш білім ордасының педагогтары мен ұстаздары тәлімгер ретінде сайланып, оқушылармен таныстық жұмыстарын жүргізді.
Әрі қарай жиналған оқушылар өнерлерін ұсынды. Шара соңында балалар ұрандатып, кешкі тамақ ішуге аттанды.
Ақерке Ғилымхан,
Жаңақала ауданы
