Мамыр айында Жаңақала аудандық мектептен тыс жұмыс орталығында қосымша білім беру педагогтері арасында «Үздік сабақ - 2021» байқауы ұйымдастырылған болатын.
Әр оқушының жеке қызығушылығы мен мүмкіндіктерін ашу, шығармашылық сипатта, жаңа заманауи технологиямен сабақ өткізу және оқушы дербестігінің қалыптасуын жоғары деңгейге көтеруге бағытталған жұмыстарын көрсете білу, өзіндік іс-тәжірибелерімен бөлісу мақсатында қашықтықтан оздырылған бұл байқауға 15 қосымша білім беру педагогі қатысып, үздік сабақтарын ортаға салды. Байқау шарты мен тәртібіне сай, жаңартылған білім мазмұны мен заманауи технологияны қамтыған жас ұстаз Жанайдар Болатбекұлының «Кретивті видео түсіру және монтаждау» атты сабағы үздік деп танылды. Байқау қорытындысында аудандық мектептен тыс жұмыс орталығының директоры Ғазиза Бекжанқызы жылы лебізін білдіріп, байқау жеңімпазына диплом және 10 мың теңгенің сертификатын табыс етті.
Салтанат Тастенбекқызы,
Жаңақала аудандық мектептен тыс жұмыс орталығының қосымша білім беру педагогі
